Sydney 2008

Ym Mehefin 2008, cafodd tîm o fyfyrwyr o Safle Dolgellau, Coleg Meirion-Dwyfor y fraint o gynrychioli colegau Cymru yn yr her fenter byd eang.  Cafodd y rownd derfynol hon ei chynnal yn Sydney.  Y myfyrwyr yn y tîm oedd:  Ryan Weir, Alex Jones, Lyndsey Jones, Mili Mererid, Rhodri Gravell a David Morris.  Y tiwtoriaid a hyfforddodd y tîm oedd Maureen Jones ac Ieuan Edwards.

Roedd y gystadleuaeth yn para am 24 awr.  Yr her oedd meddwl am gynnyrch neu wasanaeth a fyddai'n helpu cwmniau a sefydliadau i wynebu her prinder dwr.  Cafodd y tîm syniad am greu gwasanaeth addysgu plant sut i ddefnyddio dwr yn ddarbodus.

Daeth Tîm Cymru yn 3ydd yn y gystadleuaeth hon.  New Zealand oedd yn fuddugol ac Awstralia yn ail. 

 Cafodd y myfyrwyr gyfle i fwynhau Sydney am ddeuddydd cyn dod adre.  Trefnir cystadleuaeth Her Fenter i Golegau Cymru yn flynyddol gan Dîm Addysg Menter Llywodraeth Cynulliad Cymru.  Mae hwn yn rhoi cyfle ardderchog i nifer fawr o fyfyrwyr ddatblygu sgiliau mentergarwch.  Diolch yn fawr i'r rhai a noddodd y tîm.

Shares:

Written by :

Falmai Pritchard